صباحاتك يامصر
************************** صباح الورد والياسمين
جناينيه بتروي حنين
تعالى نروح لبياعه
يرتبهولنا جوه بوكيه
لقلب حبيب كده نهديه
يطيب جرحه وأوجاعه
صباح أبيض بألوانه
******************
بنفسج يحكي أشجانه
عبير الفل أحلي نسيم
جميل أبيض وشكله وسيم
تقول الله علي الرقه
عروسه رايحه للزفه
مابينها وبين عريس خفه
صباح الورد يا أحباب
*********************
ورودكم تفتح الأبواب
يرق القلب ينسي عذاب
صبحنا قول وعيد فيها
******************* دي كلمه جميله إحييها
وأوعي في يوم تخبيها
ماتبخلشي وقولها أوام
دي بتقرب وفيها حنان
وقبلك قالها حس الطير
وغناها صباح الخير
صباح الحب يامصر الحنان ضمه
******************* صباح الرزق والهمه
صباح ابيض علي أمه
تصلي الفجر تفتح دير ت
قوم من نومها تزرع خير
صباح الخير يامدارسهم
**********************
صباح الخير تلبسهم
وتقفل بيها مرايلهم
وترفع إيدها شنطتهم
وبوسة ماما في خدودهم
يمدوا الإيد لمصروفهم
وبوسة بابا فوق روسهم
شعاع الصبح بيصبح علي العمال
******************************
إيدين شغاله عرقانه عرقها حلال
صباح الخير ياقدرة فول
********************
حوليها النهار مقفول
بألف إيدين تنادي تقول
كمان حبه دا مش معقول!!
صباح الخير ياسواقين
********************* أتوبيس وأجره وموظفين
بيجرو يلحقوا وخايفين
تفوتهم إمضا دفاترهم
صباح الخير يقولوها لزمايلهم
ويستنوها من الجايين
صباح لامع وشمس شروق
************************ صباح الخير علي الصندوق
ملان بويه بألوانه
علي كتف الجدع نيشان
ولبيسه تدق كمان
وف الزحمه يقولك إيه؟
تلّمع ياسعادة البيه؟
صباح الحب في قلوبكم
********************
بينطق كله في عيونكم
بإذن الله جميل يومكم
بكلمة حب تجمعكم
حلاوتها تفرحكم
وخللي الحب علي بالك
*******************
وحب الٌحب يحلالك
تقابله واما حايّسلم
تقول اللـــــــــه ويوهبكم
أمل وحياه
صباح سامح يسامحكم
********************* وانا برضه حاسامحكم
وحنسى كل قسوتكم
وأصفي القلب من لومه
عشان يصفي يروق يومه
ليست هناك تعليقات:
إرسال تعليق