 |
| كلمات الشاعر محمد حميدة |
رامى المدبولى
أمى
الحمد لله يا أمى ولا تشيلى على همك همى
قلبى فدا قلبك وروحى وكل مافيا ملكك يا أمى
حمد الله على السلامه نواره الكون يا اجمل علامه
خدوا قلبى فهو ليها وعينى كمان مكان عنيها
سبونى بس احضن تراب الجنه من تحت رجليها
دانت ياامى المدد والوصل وريحه ابويا والأصل
الضمه منك تهز جبال دى حقيقه ومش خيال
يارب باركها و خليها دى بركه خطوتنا دعاها لينا
بحبك ياأمى ياروحى ولحمى وعظمى ودمى
علاء_عيسى
" أحضنينى"
.........
" إهداء الى روح أمى
ظننت أن دوامة الحياة ستنسينى
ولكن خاب ظنى واحتجت اليكٍ أكثر"
............
" أحضنينى"
نفسى مرة يوم يا أمى
ترحعى لى وتنادينى
بانسى كل الدنيا يا امة
لما كنتى بتحضنينى
مشِّى إيدك جوة شعرى
..... هدهدينى .....
فَّربينى منك أكتر ..
أحضنينى ..
ضمُّى راسى جنب صدرك
قرَّبينى
إحتياجى ليكى أكتر
نفسى أرجع تانى أصغر
قرَّبى خدك لخدى
مين هايبقى ياامة أدِّى
هشتكينى ــ هذهذينى
سكتينى .. كلمينى
أكلينى ... شربينى
نفسى أرجع تانى ألعب
نفسى أغلط
نفسى أخاف م الضرب واهرب
نفسى أعيَّط
وتنادينى
أنسى لعبى
وتنسى ضربك
لما أغرق جوة حضنك
أحضنينى
...........
من ديوان
#العزف_على_أوتار_ممزقة_2000
باسم القاسم
لكنَّ يا أمِّي
البلاد تفتَّحت
جمراً
على شجري
تنزُّ
شتاءها ..
وأنا كبرت على السريرْ ..
ولقد أضعتُ عقيق
مَهدي
حين شاءت
من أريدُ.. أنامِلي
وتراً لرغبتها.. وقالت :
حانَ وقتك ..
دافئٌ نَهدي لثغرك
يا صغيرْ ...
ولأنني قد قلت
سهواً
لن أخاف
أتذكرينْ ..
أتعبت سبحتَكِ
ترتلين حزينةً وِرْدَ
السلامةِ ..
إنَّني آمنتُ..
لن أُنسى..
وقد خلَّفتُ أسمائي
وأوراقي ..ورائحتي..
على منديلِ بسمتك
النظيفْ ..
محمــــد حسنى إبراهيم شحاته
انا ليّا روح
بتاخدني واحة ربنا
تفرش لي من دعوتها نور
تفرد سطور عشقي لها وبقلبي ابوح
انا ليّا روح
البصة ف عنيها الحنان
لمسة إيديها الطيبة عز الوجع بيكون آمان
من يوم ماشالت جوة منها دنيتى
وبقيت ونيسها ف تكملة مشوار
شالت دموعنا والجروح
انا ليّا روح
قنديل محبة ف دربنا
انا ليا روح
بتاخدني واحة ربنا
:::::::::::::::::
ياطيبة
محمد المخزنجي
......................
كل لحظة
وانت مني قريبة
ساكته ليه
اندهيني
النهاردة يااما
عيدك
نفسي ابوس
راسك وايدك
نفسي اضمك
واحضنك
وارمي راسي
عند سدرك
يلي حجرك
كان سراير
والضفاير
شال قطيفة
والعيون
بحربن وساع
بتساع قلوع
مركب جنوني
والشراع
يلي قلبك
كان مشاع
لي واخواتي
الكتار
الكبار مشتاقة
قربك
والصغار
تاهت في
بعدك
نفسي يااما
ابقي جنبك
جوه قبرك
ردي لو سمعاني
يااما
ياااااااااااااااااااااااه
ياه ياصبرك
ليست هناك تعليقات:
إرسال تعليق