من ضيا البدن
للشاعرة / منال الصناديقي
الإهداء
إلى..
أمى رمز الصبر...
أبى فى مثواه الأخير...
إخوتى...
أهديكم نبضى...
منال.
رسايل 1
الرسايل هوامش أرواح
بتقرب البعد ع العقل الممسوح
من دنيا تشبه ضفدع
بينطر كل أوجاعه
ويهيم ف اللحظة
والنار اللى كلت الهيكل حتة | حتة
كانت أسرار شوق ف عضم الحلاج
احتوت نسايم وجوده
معرفة ...
والرسايل بشاير| اشارات| ومضة ف قلب طريق | صوت بيهفهف جوانا بيخترق كل الحواجز ويعاود يفتكر ..
ليه !!
إمتى !!
الوقت أزف ولا لِسه !!
واشمعنى حد بعينه بتترميله الكينونة
فينبهر بوجودها ..
لكن ما بيفكرش فيها !!
الحامول رسالة
والأنبيا .. رسايل
وأنا وانت أسرار...
هامد كل الحواس
وانتظر تفسير ..
ولو غامت الحقايق
حين ما انطفى
هادور عليها .. جوارح
وهاسأل الأكوان
ولما ينطق كل شبر
بترنيمة تكشُّف جمعية
هاتأمل فيك ..
حد..
السر ...!!
بتقرب البعد ع العقل الممسوح
من دنيا تشبه ضفدع
بينطر كل أوجاعه
ويهيم ف اللحظة
والنار اللى كلت الهيكل حتة | حتة
كانت أسرار شوق ف عضم الحلاج
احتوت نسايم وجوده
معرفة ...
والرسايل بشاير| اشارات| ومضة ف قلب طريق | صوت بيهفهف جوانا بيخترق كل الحواجز ويعاود يفتكر ..
ليه !!
إمتى !!
الوقت أزف ولا لِسه !!
واشمعنى حد بعينه بتترميله الكينونة
فينبهر بوجودها ..
لكن ما بيفكرش فيها !!
الحامول رسالة
والأنبيا .. رسايل
وأنا وانت أسرار...
هامد كل الحواس
وانتظر تفسير ..
ولو غامت الحقايق
حين ما انطفى
هادور عليها .. جوارح
وهاسأل الأكوان
ولما ينطق كل شبر
بترنيمة تكشُّف جمعية
هاتأمل فيك ..
حد..
السر ...!!
رسايل 2
انا كنت هايم ف السما طلقة
والنور بيحدف عينى للملكوت
صياد وجامع م الانبيا رسايل
والفورة لحظة والكلام ألوان
سبلت لحظى ع الكتاب الشفيف
وراقبت عيسى فى عَشاه الأخير
قاموا الصحايب مدوا لّى الضى
فرسمت بير جوا منه حى
مادد حياته حد باب النجاة
والقمح سبح فى سنابله حياة
يا عاشقين زليخة..
مدد عنيها لمين
هو النسيم طفطف
ولا انصهر عوده
بخر مداين خطاه
ليونس ف قلب الحوت
وكلبهم نايم
مفرق عنيه للكلام
لكن وجع الشفايف
طبطب عليها المتيم
ف سفينة للموعود
وأنا كنت واقف خَضَار
بين الحيطان والدفة
واللحن يرقب غيامه
والأرض تاكل خُطايا
حد الركب ماتسير
يا واجدين الحكايا
عند باب الكروب
نقرشوا روحكم..
طله للمكتوب
واجمعونى وجود
حبيبه كان هيمان
جوا القليب واللسان
عيونه نفضة خلود.
الأسئلة
طب هو فين الضى
لما يزغلل عين شجرتى
بالحياة
هو إنكسار النبض
لما بترفض ضحكته
لَحّد الطريق
يا مموجين اللحظة
عند أنفاس الحبيبة
يا مسمكرين الروح
على قد النُطـَـف
ملعونة سكة رافضة
.. رايح جاى
مقطومة ريحة زفرتى
عند الحدود
قهوة نَفَسكم مشروخين
.. بالخنوع
متمردين على قدركم
.. بالحقيقة
سديت مسامى
وارتضيت بالزوال
لما طريقى انكفى
.. بالأسئلة ...
خلاص
فى الوقت اللى بعد المشاعر
ف لحظة ما ينكفى القمر على قلبك
وينسحب الوتر من رقة إحساسك
تتسّحَب روحك حتة | حتة
وتركب صهيل البعاد
وتسألنى:
لساكى مخاوية البحر
ف وقت الونس جنية
تشبه لضل الرسايل
وريحة البخور المعطر
بشِباك الكلام
ولّا عاملة من عنيكى
فوتوشوب للذكريات
ولسانك بيروج دفاه
ف ضلوع الخلايق..
تفاسير
ولّا العزف الأخير لتسبيحة عقلك
صبح وردة خلاص.
معرفة
1- لما بادور على حاجة..
ميفهموهاش
ويدوروا على شئ ..
مش لازمنى
مانلتقاش إلا ف خط ..
تضــــااااااااد.
2- النور اللى حاطط الوجع ..
فلاش باك
والكور المتجمعة قدام العينين ..
وسيلة
صبحت لأول مرة
حالة شفا مزمن
لما ارتفع دور النقاهة ف الروح
وهو بيدور عليك ف كل حتة
فمعرفش يلتقيك إلا ..
ف كل حتة
فيتأكد إن سنين البحث
كانت مستنية لحظة رضاك
عشان تكتشف إنها ولا حاجة
إلا ..
بيك.
3- ف اللحظة اللى ارتميت
ف نبض الحاضر
عشان اراضيهم ..
ماأرضنيش ..
غيرك ...
هو الوجود كانلك بساط
ولا كل الحاجات كانت لك
فكنا لإنك ..
أردت.
وَصْل
غَسلت قدمى بعينى
لما الشوق فاض فى سجودى
جبينى ميّل يطبطب
عالدمع ويقولى روقى
الدمع وسّعْ خُـطايا
جوا القُليب وابتسملى
شّد الأمان من ضلوعى
ع الجِـتة نشره نسايم
والعِرق سَبح تقرب
والدم نَقّل عليلى
يا روحى خطى تواصل
شاركينى طعم التمنى
دا النَفْسْ هامت وطافت
ورِقيت للى ناداها
وبث فيها السكينة
وجدد نقايد حشاها.
حـَـضْـــْرَة
عصفور مسجون بصفيح وقِزاز
عصفور هزاز
مرجوجة عينيه وسط الحضرة
بعديد قــَزَازْ.
يا ســـيـــــدى..
يابو شامة خَضْرَا عـ الجبين
يا متيمين..
إحنا فـ نور المصطفى
غير كفوفنا المشتاقين
بكفوف تحلق بالصفا.
يا عيون حديد شاده الوريد
شاقه فـ نفسى ميت جريح
ارمى العصافير كلها..
بره الصَقِيع
واترشى مرة واحدة
مليون وفـــــــــــــا.
سامحنى ياللى خطوتك
فـ حـلـقى طـــيــف
وابدرنى ف نفوسهم
بَـصـــــــــــَارة
خلينى أبقى جوا جوفهم
مــَعــــرفــــــة
وأما الشفا..
يحل فـ خـُـطاهم تــَـمــــــــــنى
اجعلنى ف جبينهم
دفَــــــــــــــــــــــــــــــــــــا.
حالات من ضِيا البدن
1- أهرب يا ليل الحكمة من باطى
خلى الحنين يتخبى فـ نوماتى
ساعد بيبان الرحمة تسكنى
راجع ضمير الضِحكة فـ الماضى.
2- أحلى ما فيكى
إنك شَهد سكونى الجَى
إن عيونك روح المى
اللى تحرك فىَّ الحى.
3- قد إيه دنيتك عتمة
زى هالة كحل مست لحظ نونو
ففرَك عينه..
بصوابع من غربة اللون
فاتحولت..
صَمـَــاد.
4- يا طعم ريحة بردك
ما بينطفيش..
يا صوت سُكاتك الماسخ
ماتلمنيش..
من سكة قلمى المملح
وتُحطنى فـ زفير الكرب
لكن نقى نوتة أشعارى الأخيرة
واحرقها مع دمى
اللى مش قادرة أوقفه
مع كل لحظات التجلى
الساكنة مخ النتيجة
ومش بتجلط تواريخها لحظة.
5- باتمنى أكون تسابيح الفجر
لكن شيطانى اللى عمره
ما فارق وريدى بيطفينى
عند ما النوم يشعلق ضوافره
جوا رمشى فيكهربه
خـــمـــــــــــــــــــدة.
مقاطع من مشاعر متلخبطة
يا نور بيخطر فـ النفوس
لحظة يدوس جبينى
واحة سجود
ألقى عياطى بيترسم
زفير مدن
حـَدِنْ يدوب
وأبقى هوا..
بيلف جو الكون
شِـــفـَـــــــــــــــا.
النيل ونس
وأنا بأتنس
جوا الليالى بالنسيم
لما يعطر ضلعتينك يا قمر
لما تِكرمش فى ضلوعى سفسطة
والليل فَضَـــــا
توه بيــُحرك فـ الوريد
زى الــنـــــــــــدى.
حدوتة ملتوتة يا صُحبة إحنا
ولا غنيوة وجع
بتدكك الزناقير علينا
حين اتّغِزِل زَنْقـُور زَعَل
بتطيبولى أنفاسى
وتزرعونى كالسااااحــــــــــــــــــــة.
رياحين يا فكر احنا
ولا عصير فـ الكم
عـ الرملة بنتكحرت
فـ نص كلام
ولما تبقى دوشتنا
فـ سِحر لِجَام
بندارى كضى حمام
ونفوت فـ الضلع
ونـلـــــزقــلـــــه.
الله الله
يا روح الروح
كتاب مفتوح
بيقرانى فـ وقت البوح
.. فـ ضى الريح
يا همس أرضى
تلاغينى فـ شوق الورد
ويتلهف علينا النور
نضيق لحظة
وساعات بنجور
ولما الزَنقة تتوسع
نمد البَصَة جِسْر التوت
وتتلافى الكفوف دمعة
بريحة الحَرْ.
يا نور على الودنين بيتعلق
ضامم نسيم الحور ومتشبرق
شايف فـ وش العَتْمة حدوتة
وكل ما وش الخلق يتخلق
يكون.. هــــــــــــــــــو...
لما المدينة أم القرنفل
تفرد القــِــلعْ الحبيب
باغيب أنا ولا باطيب
وســــــط الـــمــــــــدن.
يا بحر يا ماسك
ضفيرة الشمس بإسنانك
حل المدى وافردنى قُدَامك
واشبط فـ باط النيل
واٍزعَق فـ فــــدانــــك
دا أنت هجير الوطن
والكـُل
خـُــــــــــــدَامك.
يا شمس يا أم الونس
يا واحة بتكركر
لونك بروح دمى
ولا سُكات أخضر
فردانى واحة طيف
أو نسمة تتمخطر
منادية على الخريف
فـ وقت ما تمطر.
صور قديمة
نمى قدرات عنيكى
بالتقاط صورك القديمة
ت ر ا ك
واتصفحى حياتك..
بَخْرْ...
الصورة الأولى..
لولد وبنت جنب الشباك
بيبنوا جنينة..
محصودة عيال شوارع.
والأخيرة..
لروح ما تشبهش حاجة
واللى ما بينهم..
ذكريات مغلوطة
وحبة ميه صافية
ملهاش مكان!!
فروت سلاط
جربتى طبق فروت سلاط ع الريق
تكويناته..
قلبك
وروحك
ومشاعرك
متقطعين.. نثاير
ومخلوطين.. كوكتيل
وعازمه عليهم..
البشر!!
تسمحيلى أشاركهم..
وأحاااااااااااوط عليكى!!
المهم
- مش مهم إذا كان الساحر
سخط عقلك قط
وخلاك تشبه حيطة مايلة
وبركان ورق مشطوب الكتابة.
- ومش مهم انك تضحكلى
وقلبك مليان ..
حاجات تشبه ..
تفل الشاى المغلى
المتكوم على بعضه
ف طفاية روحى.
- ومش مهم انك تقايض
على مسخ قلبى
فدان وجع ..
وحروب نفسيه ماتتعدش.
- المهم إنى..
لما ببص ف مرايتى
مش بلتقيك ..
بتطلعلى لسانك
وتقولى :
أنا
لسه
جـ
ــــو
ا
كــ
ـــى ...
سفسطات من روح التخابيط
لما الأقـــلام النونو بتكاكى
مــا تنزعجش
قلمى .. بقرش
وف سوق يومى
مـا يـ سـ و ا شـ ى
حبة حمول
ساكنة ف نبض القاعة اسرارى
وهوج رماد المِقلة واتندى
زيت الألم ذَلّنى لهيب طَعمُه
إنقع مراره وحطه ف الشفة
وهاتلى نضارتى واتشفى..
بضحك العجايز
ـ يا سر كونك المجنون بحلقاته
ـ برجلاتك يا ست واحدة بين عدد
ـ إرمى سِحْرِكْ واتسندى
على كل ملامس الدمور
ماشية تلخبطى فـ السطور
بسحاب ..
مهواش إلا قناديل السلاحف
ـ شرشرى غـَطـَاكى سكة لحاف
ماهوش مكرمش عـ البدن
زُكُه اليمين يوماتى تعدلى فيه
فيطلعله بُوزين
ـ غيظ ابنك اللى ضحكته..
حبة نُخاع
متنطورين من راسك
اللى زى طوب
مبينخرطش
إلا حبوب بتكب منك
نار تبستر فـ الوداد.
· سفسطة أخيرة:
مش عارفه كل مابلع دموعى
ألتقيهـــــا بــرايــــــا
يا ترى المرايـــــات
حطـــــــت ع الــــــقــفا
ولا العــــفـــن شـــادد حيــــله
يـــومــاتـــى
معــــايــــا.
هـــفـهــفــة
متن:
زقزقات المدى توبة
بتشد قلبى العيل
يا ضحكة مكتوبة
على صدر النسيم
أغسلى وجعى الأخير مرة
وإكتبينى نبضة توحد
أنا فاكرة إنى
فـ الموسم البرتقان
بازرع سُكات الكهرمان
وأبنى فـ الحور اليمام
إعتقادى فى حاجات
الصبر فيها..
بيجرى صوت
وأفتح الوقت الآدان
فرحتين منتورين
عند الشروق.
هامش:
ضحكتين دول ولا تلاتة ؟
مش عارفة.. أعد ؟!
مش مهم..
لكن الأكيد إنى بوقــّف
كل طاقات الوجود
حتة لانج
على كل حبات المدى
وهى بتلملم ضلوعى
فـ حضنها..
هـ
فـ
هـ
فـ
ـة.
غيطان البنفسج
وحياة عيونك يا نسيم
ياللى قاسمنى دمعتين
لأشيل عيونى من سُكات
وألم حبات التبات ويا النبات
وأحطهم وسط الجذور
واعملـنى عنقود مـ البدور
يلف داير ما يدور.
جربت إنك تكون
مجنون كما الواحة
تفرد خَضارك حنون
والضحكة متباحة
النجمة قالت يا بويا
خلينى أتوضى
سارح فـ قلب النخيل
عيدانك الفضة
والفول يا خيى شراقى
إسبح فـ عينى تلاقى
سطورك الناعمة
هدهد لخِله يوافى
وإنت بتتمعنى
جربت إنك تكون
موتور من الحِنة
يشبط فـ حس الغرور
يقطف مواويلنا
ميل وخـُد البنفسج
والفرح شّبَطُه فيه
يمكن ينولك طيف
تشرب معانيه
تصبح قرنفل بعده
ولا كهرمان.
نــَــعــَسْ
شّد القلم فـ جنونى
وهو بيحضن عَتَبَاتْ الورق
إديله اللون المالح
وقابلنى فـ شحوب الشوارع
وتزييقة الفراغ
وهو بيلم بعضه
فمش بيلاقى
سلمنى لطعم الشمس
وهى بتنحل
شرابك المقطع
وتفرح بكمى
المنشر عـ الخدود
مين دا المطرطق
فـ ديول الجبال
خَضَار..
ولا زَنقِة حجارة
عصفورة..
ولا ريحة طفولة
خربشة أخيرة..
ولا حباية نسيم
بتحاول تملس..
على ضلى.
اللـــيـــل
إياكى تغنى لوحدك بالليل
لحسن عفاريت الروح تطلعلِك
وتلعن عتمة حطتكم مع بعض
ناقر.. ونقير
فتتلاقوا فـ تشكيلات أرضية
وتراكيب صداع هايم ف الفضا
بيجذب عِنَادِك.. صــــــــراااخ
وتنخزق عـ نـ يـ كـ ي..
موجات ألم. وصفير...
وسواعى تتحولى تمايم م اللا معقول
بتشبه مسألة إحصا باللاتينى
بتعشقيها وتفكى تكويناتها
فتستمتعى بقولة:
(الله عليكى)
عُـمر الرياضة ما هزمتك
لكن شـَــــكــَـــــــــــــل الأيام تملى
خلاكى.. صــــفـــر
كــبييييييييييييييييييييييييييييييييييييييييــــــــــر!!
حـــَجــَايــــِبْ*
يا ضحكتين والتالتة تابتة
يا دمعتين خلصوا النهاردة
يا سكتين خَدوا منى وردة
شيلوا الحَجَايِبْ عن هممكم
يا نسايم من بـَكـَش
ردوا الورايق فـ الفلك
رجوا العلايق..
وانطروها فـ الخَلا
إقرا كتابك يا ولّا
مكتوب على ضهر الفَلا
إنك بتفرز دمعتك جوا البلا
حابب تقَرّى فـ الكتايب
زى عناقيد الحَلا
تفرد قِلامك..
سطر دايب فـ الجلا
جلاد فـ أمرك..
أصل عين البلبلة
كل المناجم..
شاربة منك مهجتك
غربان وفايرة..
صهد روح المسألة
عَمّال بتنقب (سفسطات) الدروشة
وانت مقرفص وسط ضى المبخرة
وعنيك بتلحس فـ الندى
فكر ومقرطم نزف عمر الأسئلة
عاضض قهاوى الكون..
ف نبضك نرفزة
واما بتسمع كل أمرك تلمذة
وجدك يكسر فـ المباخر والفناجن أستذة
ويلف روحك ضفر سحر الشعوذة.
*حـــَجــَايــــِبْ : الأحجبة وكل ما يحجب عقل الإنسان ويلغيه.
مـــــــوات
لما كنا عيال صغار
كان صباح الكون بيطرح
ألف مآدنة وألف دار
كانت عنيه متشعلقة بالانتظار
بالروايح النسيم | بالإزدهار
بالحبايب اللى
ماشية فـ الوريد
بعيون مليانة
تعويذة آيات
بحنين جوا الكفوف
بالقُليب اللى مُطَعَمْ بالسُكات
كان يوشوش الأمانى
تطرح شماسى خُضرة
جوا أرزاق الولاد
كنت أقول الله يا روح الضى
يا سَكَن اللُغات
امتى تتوحد حياتى
امتى يبقى الزيف موات
كان يقولى اصبرى..
بُكره التبات يطرح حنين
يروى روح الضى
جوا قناديل البنات
واما مــات..
بردت حيطان المعنى
.. ف سكونى
واتلفلفت نوافير اللون
.. ف عيونى
ودارت روايح النرجس
وسحبت قوس قزح..
حـبة رغاوى.. بلـــــــون نـــــزيـف
ا لــــ أ غــــ نـــــــــــــــ يـــــــــــــــــ ا ت.
دنيا 2
1. مين اللى زرعك
جوا عينى فتولة ؟
مين اللى حصدك أسئلة ؟
عمرك أنا وللا بلا
جرحى دا روح المسألة
لما بيصبح غربلة
جوا عيون القلقلة.
2. اطحَنى ألمِك نِدا
واندهينى من زمن
كان عمرى فيه
لسه بيحبى فـ الخَفَا
قولى اختفى
وسط جروحى اللينة
بطعم الصفا
واحضنينى جوا منك ..
جـــلـــــجـــلـــــــة.
صُحبة
يا ترتيلة الصبح البكر
مالك عملتينى برواز من سحاب
متحنى بدم فتافيت السكر
وقسمتى قلبى فدان حنضل
هو انتى سبتى وليدى النهاردة
يصالح كراكيب القطر أبو اْنياب ظفرة
ولا غرتيه بلعبة ف الجنة
ياخدها ف حضنه النونو
بدال امه اللى مستنياه
يحليلها خدها
ببوسة بعطر الحنان
ولمسة ايد
بتمسح عرقها المضفر بالسنين
يا أتوبيس الوجع
وقف قلبك الصخر
وانت بتفرم حكايتهم
ما بين الفزع والآهة
ماعرفتش تحول حديدك
سندات لروح الكتاكيت
ولا انت اتحبست
ما بين الدم والكراريس
فلقيت نفسك مشتاق
لصحبتهم بعيددددددددد.
مالك عملتينى برواز من سحاب
متحنى بدم فتافيت السكر
وقسمتى قلبى فدان حنضل
هو انتى سبتى وليدى النهاردة
يصالح كراكيب القطر أبو اْنياب ظفرة
ولا غرتيه بلعبة ف الجنة
ياخدها ف حضنه النونو
بدال امه اللى مستنياه
يحليلها خدها
ببوسة بعطر الحنان
ولمسة ايد
بتمسح عرقها المضفر بالسنين
يا أتوبيس الوجع
وقف قلبك الصخر
وانت بتفرم حكايتهم
ما بين الفزع والآهة
ماعرفتش تحول حديدك
سندات لروح الكتاكيت
ولا انت اتحبست
ما بين الدم والكراريس
فلقيت نفسك مشتاق
لصحبتهم بعيددددددددد.
البنت
البنت ماكنتش بتقابلنى
عند أول حروفى الغضبانة
وتصرخ: للخلف دُر !!
ولما الدُرة رسمت روحها
لفت كل خيوط الشمس
على عنيها المشدودين لبعيد
وفرحت بالتفاح وهو بيضحكلها
وعند مرسى طلعة نهارها
هربت العَتمة..
من بين صوابعها النونو
ولاعبت عصفورها..
اللى بلون الشوارع
وعذوبة الكروان
لكن لما حَست
قد إيه شَعرها بيصالح الغُربة
ماعدتش تطيّر طرحتها
لأبعد كوكب
ولا ننيها بقى يرقص م الفرحة
وهى بتقابل روحها ف المراية
وتفتكر إنها..
بتلعب دور الفرحانة.
أمل مامتتش
لروح أمل سعد...
أمل شدت لروحها رحال
وبعتتلى قالتلى منال
.. متنقهريش
أنا جاية نروح مطروح
ومن تانى نكون أشعار
نقف ع المرسى ف المطرة
ونضحك من قلوبنا.. عَمار
ونشرى اللب ف الغيمة
ونحكى كتير..
يعدى الوقت ضليلة
دفا للروح
ويا حليلة .. مانبردشى
وأجبلك شاى من الواحة
ماتشربيهوش
لكن تاخدينى..
وف صورة تحطينى
ف روحك نور
ونوصل حد سماعة
بتشرب منا أسرارنا
... متشبعشى
ولا تفتن على ألمنا
نعبى منها أحلامنا
دفا جيلنا | وأيامنا ..
نسيم عمرنا المعقود
ف ضهر الغيب..
وما بيجيش
وأضحك منها وادارا
ف صنارة من المرمر
شابكة ف سِنها الحِنة
بتاخدنى..
لبيت أحلامها ف الجنة
تقولى مكانه وتسيبنى
وأرن عليها ماتردش
عنيها الصدق..
مـا تردش
وأنــــــاااااااااـديهــــــــــــــا..
فبتجينى!!
تحــــــــــكـــــــــيـــــــــــنى..
ونقعد بالساعات جوا ف أحلامى
وتـــــدعيــــــــــــــــــــــــــــــــــلى
يفرح قلبى بعيالى
ومتــــــــــــســـبـــنـــيـــــــــــــــــــــــش..
أمــــــــــــل مـــــامـــــــتـــــتـــــــــش !!
الفهرست
م
|
اسم القصيدة
|
م
|
اسم القصيدة
|
1
|
رسايل 1
|
2
|
رسايل 2
|
3
|
الأسئلة
|
4
|
خلاص
|
5
|
معرفة
|
6
|
وَصْل
|
7
|
حـَـضْـــْرَة
|
8
|
حالات من ضِيا البدن
|
9
|
مقاطع من مشاعر متلخبطة
|
10
|
صور قديمة
|
11
|
فروت سلاط
|
12
|
المهم
|
13
|
سفسطات من روح التخابيط
|
14
|
هـــفـهــفــة
|
15
|
غيطان البنفسج
|
16
|
نــَــعــَسْ
|
17
|
اللـــيـــل
|
18
|
حـــَجــَايــــِبْ
|
19
|
دنيا 2
|
20
|
مـــــــوات
|
21
|
صُحبة
|
22
|
البنت
|
23
|
أمل مامتتش
|
24
|
الفهرست
|
ليست هناك تعليقات:
إرسال تعليق