هو انتى حلوه ازاى كده
وبتضحكى ازاى بإفترا وقلبك حزين
حولتى كل الظلم فى مشاعرك رضا
وعيونك الغرقانة مر مسكرين
مين علمك متحسسيش قلبك بعجز
والشعر الابيض غطا روحك ومداريها
وازاى عرفتى متحبسيش نفسك فى حجز
وفتحتى 100 سكة لمشاعرك تجرى فيها
انا شفت فى عيونك فرح من غير عريس
وأقلام كتير مقصوفة مستكفيه بَرى
لميتى احزانك واوجاعك فى كيس
وبقوة رميتيه جوه بحر وجيتى جرى
مستغربك عايشة ببساطه معقده
قلبك جمع احساس رقيق مضروب فى سته
بتبانى ساكنه فى حته واحده محدده
مع ان كل خليه عندك ساكنه حته
ليست هناك تعليقات:
إرسال تعليق