جاسر جمال الدين .... وجع

جاسر جمال الدين

وجع
............................
ليه دموع العين
ماهياش راضيه تنزف
ليه شريط الذكريات
مش ناوى يحذف
لسه صوته جوه ودنى
لسه من ايدى بياخدنى
زى عكازى
اللى برمى عليه حمولى
لو انكسر ...هسقط بطولى
صدقونى غصب عنى
لما يبقى بين ايديا
صورته بتعشش عنيه
وفجأه بح
الحكايه مش فاهمها
عايزه شرح
فهمونى
اللى ايده فى ميه بارده
زى حد فى ايده جرح
تجبرونى انى انسى
طب قولولى اعمل ايه
والالم قاعد مجسطن
جوه قلبى يهد فيه
هبو صهد بين ضلوعى
نفسى تنزل نقطه واحده من دموعى
المصيبه تملى صادقه
والوجع افظع مفاجأه
لما فجأه عنى يبعد
فجأه حضنى فى ثانيه يبرد
طب قولولى
مين اللى هيطبطب عليا
من هياخد باله منى
صدرى نار
والوجع مش أختيار
صدقونى غصب عنى

جاسر