القصيده الفائزه بالمركز الاول
فى مسابقة(زهرة الصبار.. ملتقى الابداع )
(نفسى ياربى)
نفسى ياربى
توهبنى كلمه
ماتقالتش يوم على لسان البشر
وحدى بس انطقها ليك
وابقى فرحان
فرح ارض من البوار
رد فرحتها المطر
كلمه اقدر بيها اعبر
والقى ريحة الدنيا بيها
احلى مسك وطيب وعنبر
لو هقولك انى عاشق
او محب..مش كفايه
اوحى ليا بكلمه بيها
فيها كل حنين هوايا
واشتياقى ليوم لقاك
مش كفايه انى ف صلاتى
أسجد واتكلم معاك
كلمه مش عشان اقولها
لجل افوز بس برضاك
لا ياربى ..كلمه عاللى من تراب
سوى ناس فيها الحياه
واللى من نوره ف سماه
اتخلق منه الملاك
لو اقولك يوم بحبك
(بح)صوت الدنيا بيها
(بك)انا الكلمه هقولها
حتى لو بالصمت اقولها
واوصفك ياحبيبى بيها
وان هديتنى الكلمه هطمع
نفسى نظره من بهاك
ليست هناك تعليقات:
إرسال تعليق