شيطان أخرس..............
أناالساكت وطول عمري
مقلتش لأ !
ولاعمري حاولت ف يوم
أقول الحق !
ويوم ماقلت : ح اتكلم
بقيت عاجز
لساني رافض الكلمة
ومش عايز
لاينطق أيوه أولأه
ومحتاج له متين زقه
عشان ينطق ويتكلم !
كإني لسه باتعلم
أقول الكلمة.. واتلخبط
يادوب حرفين.. ويتخبط
شيطان أخرس بقيت ولا
لساني صابه ميت علة ؟
لاكلمة قادر انطقها
و لا نفسي بابرأها
أناالساكت على حقي
ومتداري ورا بقي
سنين الخوف وعديتها
وعمري ف يوم ماعديتها
تحاصرني تكتفني
وم الكلمةتخوفني
مابين الحرف والتاني
أتهته فيهابلساني
تبان الكلمةمش واضحة
لاقادرإني اعبربيه
لاعن حزني .. ولافرحة
يقولواالناس عليه:مقطوع
وإني م الكلام ممنوع
لاقادرإني أصرخ بيه
ولاقادرأقول: موجوع
مناالساكت وطول عمري
مقلتش لأ
ولاعمري حاولت ف يوم
أقول الحق
..........
للشاعر/ابراهيم عوض
من ديوان"المحاكمة"
تحت الطبع
ليست هناك تعليقات:
إرسال تعليق