الممكن الممنوع
هتلمحني يا بكره ازاي
وانا بين الشجر محني
قضيت العمر بانفخ ناي
وشرخة بوص بتدبحني
قضيت العمر بره السور
أشاور للبنات الحور
وأجيب مركب من الأحلام
تعديني لشطوط النور
وانا عصفور
ما بيطرشي ولا بيحط
ولا بيخط غيراسمِك
....في كراسته
برغم إن الصفح مليانه بالشغابيط
ومليانه السكك عسكر وحراميه
وأنا بينهم هدف منصاب في اصراري
وجاري البحث عن صوتي اللي مش مسموع
وعن نيلي اللي مش جاري
وعن صاحبي اللي مش ف البيت
عشان الممكن الممنوع
وعن حد اتلضم حواديت
كتب اسمِك
في أول سطر في الموضوع
وغناكي
في أول أهه ف الموال
وعَبّا وفضى حط وشال ما عاداكي
لا كنتِ معاه بطول الرحله والترحال
ولا صلى في يوم الفجر وياكي
وانا بين الشجر محني
قضيت العمر بانفخ ناي
وشرخة بوص بتدبحني
قضيت العمر بره السور
أشاور للبنات الحور
وأجيب مركب من الأحلام
تعديني لشطوط النور
وانا عصفور
ما بيطرشي ولا بيحط
ولا بيخط غيراسمِك
....في كراسته
برغم إن الصفح مليانه بالشغابيط
ومليانه السكك عسكر وحراميه
وأنا بينهم هدف منصاب في اصراري
وجاري البحث عن صوتي اللي مش مسموع
وعن نيلي اللي مش جاري
وعن صاحبي اللي مش ف البيت
عشان الممكن الممنوع
وعن حد اتلضم حواديت
كتب اسمِك
في أول سطر في الموضوع
وغناكي
في أول أهه ف الموال
وعَبّا وفضى حط وشال ما عاداكي
لا كنتِ معاه بطول الرحله والترحال
ولا صلى في يوم الفجر وياكي
مصطفى مقلد
ليست هناك تعليقات:
إرسال تعليق