رشا فهمي
أنا الشهيد بصرخ في قبري
مسجون ما بين كفني وصبري
دمي سنين ع ألارض يجري
يسألني فين يلجأ ويسري
أنا الشهيد بصرخ فى قبرى
شايف عيونك يا أمه حزينه
عاجز أكون لك شراع سفينه
بمد إيدي
يموت وريدي
ومهما أنادي
ع النبض صوتي
يسكن فضا وعروق بتغلي
أنا الشهيد بصرخ في قبري
ليه نفسي تايهه ملهاش دروب
يمكن عريس مليان ذنوب
أو حد باعني
خاني وخدعني
حاسه سامعني
سامعه جرحني
مرحمش حتي ظلمي وقهري
أنا الشهيد بصرخ في قبري
مستني روحي تلقي الخلاص
مش عايزه غير حقي وخلاص
من ناس بتأمر في الضلمه تغدر
وناس بتقتل وناس تفجر
والله أكبر
الصحبه تكمل
أما الدفا ... لساه يا عضم التربه بدري
أنا الشهيد بصرخ في قبري
...
ليست هناك تعليقات:
إرسال تعليق