طوابير فرح
تملى الشوارع والحارات
تفرد شموسها عنين وتمشى بالنهار
ثوار ولاد ثوار
افرد لهم صوتك وطن
...ضم الصغير والكبير
آه يابلد
نبضك بيسرح فينا نصحى بكل همه نقول مدد
ويكفى نورك والعدد عمال يزيد
بلد الحضارة وشمسها مين حسها؟؟
الا الشباب
مين ابتدى يعرف تاريخة ويدرسه ويحس بيه
دول ورد مصر وفتحوا جوه كل قلوب بيوتنا
ومن حيرتنا وفرحنا ننسى معاهم جرحنا وازاى بقينا ف ضلهم
ماشيين معاهم ضيهم
ولع ف ليل اسود غطيس
زاح الكابوس من عتمة الحارة وخلص ع الفساد
مبروك علينا كلنا
يا احلى نبض ف ارضنا الدم يعرف كل واحد مات شهيد
مبروك دخلنا معاكوا عيد مش منتظر
زال الكابوس
طلع النهار والقلب بيكم أنشرح
طوابير فرح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بأشارة منك ترتبك كل الحياة
تقف النجوم عن بث نورها وضحكها
وسمانا تبكى دموعها تلج
باشارة واحدة
ينشف البحر ووريده يكون عطش
...وقمرنا لو تبكى بسرعة يكون رمش
وانتى تغيبى ف السما
والكل رافع عينه مستنى وصولك للنجاه
انتى كده
لو قلتى آه
هتلاقى كل الدنيا وقفت تستغيث
ننده وندعى يامغيث
ماتسيبش روحنا لحزنها
فين فرحها
يفرش بساطه لكل جيل
يقرا ف صوت واحد
قرآن مع انجيل
فين الدليل؟؟؟؟
على رقصك الدبلان ف موجة من موسيقة حزننا
ارتاحى واهدى ف رقتك
فين ضحكتك؟؟؟
هى اللى لينا تكون نجااااااااااااااااة
باشارة منك ترتبك كل الحياة
بأشارة منك ترتبك كل الحياةتقف النجوم عن بث نورها وضحكها
وسمانا تبكى دموعها تلج
باشارة واحدة
ينشف البحر ووريده يكون عطش
...وقمرنا لو تبكى بسرعة يكون رمش
وانتى تغيبى ف السما
والكل رافع عينه مستنى وصولك للنجاه
انتى كده
لو قلتى آه
هتلاقى كل الدنيا وقفت تستغيث
ننده وندعى يامغيث
ماتسيبش روحنا لحزنها
فين فرحها
يفرش بساطه لكل جيل
يقرا ف صوت واحد
قرآن مع انجيل
فين الدليل؟؟؟؟
على رقصك الدبلان ف موجة من موسيقة حزننا
ارتاحى واهدى ف رقتك
فين ضحكتك؟؟؟
هى اللى لينا تكون نجااااااااااااااااة
باشارة منك ترتبك كل الحياة
ليست هناك تعليقات:
إرسال تعليق