(مِيريِتْ أمون )
......................
ورد بِلون الطيف وعبير
......................
ورد بِلون الطيف وعبير
عطر وشمع وحلم جميل
حنة ف كف صبايا كتيييير
شمس بتتعامد
على وش الفرعون
لحظااااااااااااااااااات
وتنام على كتفكِ
باقي العام.........
تسمع حواديت الحور
تستنى شروحات الليل
والليل من كُحل عيونكِ
بيكَتْ ف نفسة
صبح حاير بيغير
والورداللي ف ايدك غنى
على نفس العود
المرسوم ف البرديات
وطيور بترفرف حواليكي
تجري بعييييييييد وتعود
موعود يا بخور بأريج
أنفاس الملكة
ست الحسن
ياربيع بينسم صبح وليل
ييمد القلب المتعذب
بأمل وحياااااااااااااااااه
يا بنت نفرت والطبع نفرت
بالحسن اللي ف سحركِ
مكسووووووووووووووووووف
والتاج الملفوف على شعْرك
يتمنى وصال
يوم عيد بيعيد البهجة
لقلب جميع الناس
ميريت
يا حلم اليوم والغد
اسمك على
كل جَدار مرسوم
عطركِ مالي
ارجاء الحي سماح
فواح بيرُد الروح
لبراح وغدير
والكُل صبح بيقْولِك
شعر.........!
حتى كهنوت المعبد
والسُمار والسحره والتجار
والحرس اللي
بتستنى الدور
وصبايا القصر
والسقا والعطار
ورعايا ف طيبه ومنف
حتى الشمع اللي منور
بيدوب ويسلم نفس الضي
بكل غرام لشموع تنقاد
للجي .....
يا اجمل روح ساكنة الجنبات
النيل ف عيونك نايم حب
ما هوش نعسان
رايق روقان الصفا والطهر
يشرب من حبات النني
ويقول هاتوا زيدوا اسقوني
كماااااااااااااااان عطشان وعليل
ما لقتيش سبيل احمل من ده
كام عام فاتوا كام عام جايييين
راسمين البسمة وبيغنوا
مع عطر وشمع وحلم جميل
وصبايا بتتحنى معاكي
وتسمع حواديت
وتنام على كفك
بالراحة وبأجمل همس
تستنى النور والشمس
اللي بتتعامد
على وش الفرعون لحظات
وتنام على كتفك باقي العام
تستنى العيد الجاي
لجل تقولك كل الشعر
قصايد فيها الخير
حنة ف كف صبايا كتييييييير
ليست هناك تعليقات:
إرسال تعليق