قصيدة وجع البنات.. قصيدة للشاعرة / أمل درويـــش
مش حانكر إن انا بكرهككم مره مت من كم سنه
و سبتنى ومشيت
حتت الجسد اللى بعترها الخداع
ليك منى
كانت بتنده ليك
كانت بتبكى إليك
تستعطفك ليّا
كل الكلاب فى كل شارع
أستباحت جتتى
حتى الولى أستفتى فيّا شهوته
و حلل لهم دمى
كان خالقك الخلاق مغمى …؟
و لاّ النهود العيال كانت جبال حمرا
سدّت عليك النظر
أصم يابا انت…؟
و لاّ الحكايات البنات
المعجونين بالطين
كانوا سدادت ودنك…؟
و لا كنشى ليك أحساس …
بيخطى و يدلّك
إنك غرقت فى ظلم
لماّ فى لحظة خبث
أتسرسبت منك
حبات فتافيت البنات الواقعه
من جيبك
إزاى ما خدش فى بالك
من كم سنه و انت ...
برواز مالوش صوره ؟!
كرباج أغا منقوع طرقع
على الفاضى !!
و إيد حنوتى جبان بيكفن الأحلام
و بعدها يصلى
إزاى بتنده ع الأله ..؟
و إيدك تسمى للوضوء
وضميرك المسطول
ناسى سواد قلبك
و بيوعدك بقصور
أل …إيه دا حسن ختام
و انا اهو بقول لها لك
أنا اهو بقولها لك
إياك لا تحلم بتوبه
وانا عايشه بدعى عليك
ليست هناك تعليقات:
إرسال تعليق