" البنت اللي بتسقي شجر الورد " قصيدة جديدة للشاعر حاتم حواس
البنت اللى بتسقى شجر الورد ف الجنهويتكتب أحلى قصايد شعر
وبترجع تنقشها
بقرطاس الحنه
والدمع إلى بيجرى
على نهر الخمر
وبتسكرنى
مش عارف ليه
دائماً البّسها الفستان
وأنا نايم بحلم
بآيات الذكر وأغنيه لفيروز
وسر أدق قدام بيتنا
مفتوح للكل
-------------------
البنت إلى بيزعل منها الصبح
وبيحكيلى أنها رفعت
قصرية ورد
قعدت على عتبة حلمى
تغنى اغنيه سخيفه وتقول أنها زعلانه!
------------------
البنت الي بتركب مركب نص شراعى
ومبتعرفشى تعوم
وبتغرق فى العشق
انا هرفع عنها اياتى وهسيبها وحيده
تغرق ف الحزن!
--------------
البنت الى. تفوت
كل كلام الشعر
وتمسك فالكلمة الواقعه من السطر
وتقلبها حروف واتشخبط على باقى الورقه
وترجعنى تانى م الأول نقطه ومن آخر السطر!
ليست هناك تعليقات:
إرسال تعليق