اجراس ف وقت الليل بتعلى
بتغطى اصوات اللذين
مدوا الايدين بالانسحاب
اجراس بتشبه للدموع
والبكا مش بالعياط
قلبين ف صفحه مقطعه
او نص قلب ف كل قلب
احتضن م الوهم وهم
وانتشى م الضلمه ضى
امتداد دراعين ولكن
م الكسور الوصل هجر
الضمه بينهم من فراغ
والفضا شاغل اماكن
مين منا هاجر
مين بنا لسه
ع الوفاء والعهد ثابت
مين مد ايده بالسلام
والتانى فارد م الحبال
كام حبل دايب
متشعبطه ف طرفه
روحين
متشتته ع سكتين
او سكه وحده
ف اتجاه عكسى
مسافر
مغترب عنى
وراحل
والهوى بيقنع ف قلبى
جوا منى انتى جمبى
النفس بيدخلك
والحجاب جوايا حاجز
اى حب لحد غيرك
انت هما......وهما انت
يشبهوك .. ف اختلافك
هل حد شافك
حد شاهد
حد حافظ من ملامحك
بس لسه ماشفش شكلك
لسه معلمكش بنهم ؟؟!!!
وشوشنى ليلى ف الودان
سرا
باح ليا باحلى اللى كان بنا
ورمالى ذكرى
ورماك عيون ع شكل نظره
عراك ملامح
غطت رموشى عليك
وباحت
باللى مقولتشهوش ساعتها
باللى خبيته ودريته
ف تمام اللحظه اللى
بتتعرف فيها بحبى
حيث كان الوقت ليلا
انسحبت من وريدك
وارتفعت ايديك لتعلن
انسحابك من حياتى
ثم ارتفاع اصوات بكائى
.....لتغطى اجراس اللذين
مدوا الايدين بالانسحاب
ليست هناك تعليقات:
إرسال تعليق