كل ما افتكرك . بعيط . :إبراهيم عزت العادلي

كل ما افتكرك . بعيط .
يا لمة البيت الكبير .
يا بيوت زمان يا حبيبة.
وحشتني اللمة الجميلة.
يا ام حارة صغيرة .
وحشني قعاد المندرة.
يا أم قاعة و وسط دار .
أشتقت لــ لمة فطار .
وحشني كتير لعب الصغار .
كنا نقعد يجي عشرة .
طبلية واحدة تلمنا .
في صحن واحد.
ناكل ونشبع كلنا .
ونقوم جميعآ مبسوطين.
اللمة حلوة مفيش كلام .
والبركة أحلى يا ناس زمان.
وحشتني اللمة الجميلة.
يا ام حارة صغيرة .
وحشني قعاد المندرة.
يا أم قاعة و وسط دار .
أشتقت لــ لمة فطار .
فاكرك يا جدي .
عمري ياجدي ما هنسى فضلك .
فاكر اديك الطيبة .
فاكر غلاوتي عندك.
لما كنت صغير بعيط
وتيجي فجأة تضمني ..
وقتها يجي الحنان .
على كتفك أرتاح وانام .
الله يسامحك يا زمان .
الله يرحمك يا جدي .
اه يازمن فرقتنا .
بعد الطيبين شتتنا .
وحشتني لمة زمان .
أبويا وعمي وعمتي .
وامي وجدي وجدتي .
وأخوتي حلوين صغيرين.
أه يا زمن فرقتنا .
الله يسامحك يا زمان .
أمتى الزمن يرجع بنا .
يا لمة البيت الكبير .
يا بيوت زمان يا حبيبة.
وحشتني اللمة الجميلة.
يا ام حارة صغيرة .
وحشني قعاد المندرة.
يا أم قاعة و وسط دار .
أشتقت لــ لمة فطار .