جاسر جمال الدين ..فى لسانه طعم الفرح .

فى لسانه طعم الفرح ..
تقدر تقول تخاطيف
يجدل ضفاير القمر
يقراه بدون تحريف
يروح هناااااك عندهم
يبكى على بابهم
طالب رضا منهم
واحد من احبابهم
ذليل ونايبه العتب
جالهم لحد العتب
القلب صابه العطب
وحتى صوته ضعيف
ف لسانه طعم الفرح
تقدر تقول تخاطيف
يشوف حصاد الغنا
كل الفرح والهنا
فى ضحكة العيل
يرسم على الحيطه
طبله وترومبيطه
والفرح والزيطه
والنخل بيميل
يرمى سباط الامل
مع ضحكتين محتمل
ينخ بيه الجمل
فى الضل بيقيل
يقعد ويتخيل
روحه تطير كالطيف
ف لسانه طعم الفرح
تقدر تقول تخاطيف

جاسر