قالوا شُق البحر عَدي.. للشاعر / محمد حسني إبراهيم

قالوا شُق البحر عَدي
قلت بحر الجرح واحــد
قالت الأفراح ف وعدي
قلنا بس الدمع جاحد

مننا ومنك ومِني
كل ليلة بتقاسمني
ف السما خيالات وناس
مش وحوش لكن خيال
زحمة الأرواح ....خيال
ضِلنا ع الشوك وضِلك ايه هايوصلك؟؟
خيال.....
مش محال تبقي المعادلة المعضلة!!!
أو حلال تبقى ف ليل المسألة حواديت هروب
تتخبيِ مِنك فيا ليه؟؟
واتخبى من اوجاعي فيك...!!!
وتودعى النور وتلاقيه
جى ف ضلامك بيجافيك
أنا روحي شقت بحرها
نفضت غيوم من ضحكة السموات
اتنين ف مركب يبقوا روح
وانا ليه ؟؟ بافوتك ع الشطوط؟
سايب ف ضلك نُص ليًــا ونُص ليك
إبني اللى فاضل هايواليك الصُبح بالشمس البراح
وتفوتى للبر الغريب
مشتاق لصوت همسك وكفك مِدي إيدك..
روحي فرت من تابوتها بلاش تعاندي
قالوا شُق البحر عَدي