غنوه تريحني
ملقتش فيك يا وطن
غير حزن يسكني
خافي أقول شقيان
بإديك تدمرني
دا الغربة صعبه ياوطن
ياريت تفهمني
حبيبتي كانت زمان بتحبني
من الفقر تخلت عني
وأمي كمان مش حاملة غربتي
والغربه بتكسرني
وعايزني اضحك يا وطن
بالله ابعد عني
هتعمل ايه يا وطن
في قاتورتي هتدفعها عني
ولا انبوتي هتاخدها
تملأها مني
لو قلت اه يا وطن
هخاف لتسجني
ولو سكت يا وطن
مين هيسمعني
هحكيلك حكاية بلد
تقولي اطربني
دا كان فيها ولد
من القوه يسحرني
سافر معاه جدع
يشيل الهموم عني
ورجع الجدع وحيد
يقول الواد راح مني
خدوه يالله شهيد
يارب سامحني
يارب ارحمني
ليست هناك تعليقات:
إرسال تعليق