 |
| الشاعرعادل حسنين يتسلم شهادة تقدير منتدي الشاعر عاطف الجندي |
خاص / مدونة صبري رضوان
* المؤسسة الثقافية مجرد تسديد خانات
* تجربتي في ادارة نادي الادب فاشلة
* قصيدة النثر اختراع هائل
* اتحاد الكتاب مثل بيت الأشباح
* هشام الجخ ظاهرة وستنتهي
الشاعرعادل حسنين رزق احد شعراء العاميةالذي يبني موقف ضد التقليدي والمألوف فاتجهالي قصيدةالنثرطواعيةمقتنعا بضرورة ان تكون ثمة اختلاففي الابداع مؤكدا علي مبدأ الحركة والتطور بعيدا عن الثبات والتقوقع في قالب جامد لا يستطيع التحلص من اسر الماضي واطره ونمطيته ... خاض معركة قصيدة النثرغير مبال بما يكتبه النقاد التقليديون من مقولات هجاء لهذا الشكل الشعري الذي يراه حياة اخري غيرحيوات قديمة بالية ... وخضنا معه ي حوار خاص مشواره مع الكتابة وعلاقته بالمؤسسة الثقافية حدثنا عن مشوارك مع الكتابة؟
بدأت زى اى شاعر فى فترة المراهقة والحب الاول اللى بيفجر شعور واحساس مختلف لازم يترجم ع الورق وقد كان
ولما نتهت فترة المراهقة
لقيت ان ده لعب عيال وان الشعور الحقيقى لسه ماجاش
فتوقفت عن الكتابة
بس ما توقفتش عن تذوق الشعر وقرائته
لخدتنى مشاغل الحياة
وخدتنى
لغاية ما جه ميعاد الشعور الحقيقى بالحب
الحب الناضج
وماتقوليش جه امتى
كان اول طلب منها ان يكون عندى ديوان
وبالفعل عملت اول ديوان فى 98
طبع كان ديوات تفعيله
شافنى حد شاعر وانا باقول شعر لاصدقاء واخدنى لنادى الادب
وعملت عضوية عاملة للنادى
لكن بصراحة اتغير مفهومى بالكامل عن الشعر
طبعا عن طريق الاحتكاك والاستماع والتنقل بين الوجوه المختلفة
وبعد كده تم تعيينى عضو مجلس ادارة النادى
فى 2009 اصدرت 2 ديوان واحد عامية والتانى فصحى
اخدت بيهم عضوية اتحاد الكتاب (منتسب )
هل شاركت في مؤتمرات الهيئة العامة للثقافة؟ وما رايك في دورها لائراء الثقافة بمصر ؟
للاسف شاركت مرة واحدة رسميا ومرات كتير متسول
بصراحة احلى ما فى هذه المؤتمرات هو تكوين صداقات جديدة
والتعرف على اشكال وانماط جديدة للكتابة
لكن المؤسسات ماظنش ان حد راضى عن عملها
يعنى باحس انه مجرد تسديد خانات
كان الاخ سعيد عبد المقصود طلب منى مقال عن اتحاد الكتاب بمناسبة صدور العدد الاول من مجلة الاتحاد اللى تخرج للنور فى هذا الشهر
وبصراحة حاقولك نفس الكلام
أنا عندى نوعين من الاسباب
اسباب مادية
واسباب معنوية
المادية
ازاى شخص ييحكم على عمل ادبى وهو فى حالة لا تسمح له بالتذوق او بفصل نفسه عن شكل القالب الذى يقدم وهو ينتمى الى شكل مختلف
دى الاسباب المعنوية
عفوا
اما المادية فيه حسابات قانونية فى الائحة المنظمة
تهتم اولا بالنوع والمكان
وخلافه ثم تأتى الاسباب الغير قانونية
زى المحسوبية والشللية والمصالح الشخصية
وده بيحصل قدام عينى
انا مش بادعى
لكن من وجهة النظر دى انا متفاءل بعد الثورة
خصوصا ان اللجان اللى بتحكم ع العمل مش هى المسؤلة عن الفساد إلى حد ما
ومع تغيير القائمين على المؤسسة ان شاء الله الوضع حيكون احسن
وماذا عن تجربتك في عضوية ادارة نادي الادب ؟
كانت تجربة فاشلة جدا
تصور مجلس ادارة نادى ماجتمعش ولا مرة
طيب مين اللى كان بياخد القرارات
الموظفين
واوعى تقولى انك مسؤل عن ده انا والله غلبت اطالب باجتماع لكن للاسف
علشان كده عمرى ما حاكون فى اى موقع ثقافى
ما رايك في قصيدة النثر ؟اسمحلى استخدم لفظ
انها اختراع هايل
اعتقد ان لو مافيش قصيدة النثر كان فضل الشعر فى برجه العاجى
واظن ان مش اى حد يكتب قصيدةنثر
مش علشان انها صعبة
لا
علشان قصيدة النثر منهاج حياة
لازم يكون الشاعر النثرى له نفس خصائص قصسدة النثر
هل لك تجارب مع هذه القصيدة ؟
هشام الجخ ظاهرة وحتنتهى لو مافضلش الاعلام يلمع فيه
لكن للامانة هو كاريزمه
وده اللى عامل رد فعل عند الناس
احمد عبد المعطى حجازى كان من شعرائى المفضلين وانا صغير اما الان اعتقد ان افرغ جعبته
او ان الوضع الثقافى الموجود عليه الان قد شغله عن الشعر
وهذا ما أخشاه
للاسف عماد ابو غازى لم اطلع عليه
فلا استطيع ان اقول فيه حرفا
ادونيس الملك
حتى ولو تحول او تغير او تفلسف
يكفى ادونيس ان يقول فى عنوان لنص له
اهدأ هاملت ..وتنفس اوفيليا
حتي وان كان موقفه غير واضح في الثورةالسورية؟
نحن نحكم على ادونيس الشاعر وليس ادونيس الشخص
بنفس هذا المنطق فان امل دنقل هو اقل الشعراء
هل يصح ؟
أمل دنقل شاعر مقاوم لم يخدم الانظمةالفاسدة
لكنه كان شخصية غير مرغوب فيها كانسان
وليس كشاعر
رغدة ايضا تخدم النظام كشخص
لكنها فنانة بلا شك وشاعرة ايضا
أعتقد ان المبدع يجب ان يكون علي يسار السلطة . فما رايك ؟أكيد عايز اقولك سر
ايام الثورة كنت قلقان جدا ومحتار قوى
تعرف ليه
علشان بعد الثورة ازاى حاكون على اليسار
كنت متفاءل زيادة عن اللازم
الشاعر عادل حسنين ... اخيرا نريد ان نطلع علي احدي تجاربك في قصيدةالنثر
فوبيا الحلم
وكأن عمرك
هو لحظة سقوطك من سطح عماره
مش عالية قوى
تطول المدة عليك
فتقرر تنهيها بنفسك
وتقابل ناس تانيه
مش شكل الناس
وكورنيش تانى
مش شكل الكورنيش
وجذوع أشجار
ماعلهاش أول حرفين
من أسامى ماتعرفهمش
ولانك بليد ف الحسابم
مش حتقدر تحسب اللحظة المناسبة
قبل الاصطدام بالارض
تضطر انك تصحى من الحلم
وتضيّع منك
أكبر فرصة للزوغان
ليست هناك تعليقات:
إرسال تعليق