كلب الرئيس ... قصيدة للشاعر أمل درويش

ما تزعليش يا بلدنا و لا تنسى الإبتسامة

و تقولى جُم و راحوا عليا كتير و ياما

و أنا ليّا سنين حزينة لسه واقفه فى مكانى

بوصى الشعب اللى ياما ... قالوا عليه الجبان

* الشـــــــــعب كــله صـــاحى

* يهتف جــــــــــــوّه المـــــيدان

* و المسلم جه يصلى قام يحميه المسيحى

* يابلدنا بُصى شوفى .....مافيش بنا فرق

* و أدى الموت اللى جالنا يحصد ورد الجناين

* لم الورد بعبيره و عشانك كـــله هاين

* بُصى العالم بحاله متحاوط بالذهول

* بيقول لولاده بوصوا إزاى ماتوا الزهور ؟؟

* حتى الموت اللى يفرك الفرح جوّه الطاحون

* بقى فيكى ياغاليه درس ... يدّرس فى الفصول

* يابلدنا أحنا و لادك و لا مره فى يوم نسينا

* طول عمرك كنتى صابره زى الأم الحزينة

* و أهوا جالك يوم تغنى حرية الأغانى

* و يغنى النصر فيكى و يطالب بالأمانى

* ده شباب أسكندرية بينادوا عليك يا مرسى

* بيقولوا : يا أبوا العباس مــبارك ســاب الكورسى

* و فى السويس أهمّ بيقولوا : نارنا هايصة

* أحنا خلعنا اللى ذلّك أحنا و لاد السوايسة

* و فى التحرير يغنوا أغانى الأعتصام

* بيقولوا فادكى أحنا و ها نسقط النظام

* و خلاص من اليوم يابلدى ماعاد فى خوف يهزك

* و لاعادشى حد يقدر يرجرج عرش عزك

* و لا ظلم يذل فيكى و لا حد فى يوم يغشك

* أمّا اللى جوعونا و فى الأزمات سابونا نلضم دمع عينك

* فى اللـــــيل و يــا النــهار

* و سابوكى تمدى إيدك للى خيرك عليهم

* و اللى كنتى فى تاريخك صانعة لهم الأنتصار

* و فلوسك يرموا فيها لكلاب عايشة فى قصورك

* و ولادك فـــى أنهــــيار

* كانوا بيدادوا الكلاب ... دى كلاب ترعى الكلاب

* كــلب الكــلب الكـــبير

* كان كلب بيه و أسمة فى الباسبور البرنس

* بيصيف بالمايوهات و يسهر فى البارات

* و بيركب طيارات

* و لما يهز ذيلة فى كلاب بتعيش فى خيره

* كلب الريــس ياناس

* شوفتوا الخيبه الكبيره الكلب بقى له هيبة

* مهو كل عجين يوّلف ع اللى زيّه و يألف

* أساطير لذيول كلاب

* و ربنا اللى عالم بغلب الناس و عارف

* ع الظالمين قلاب

* و الحرامية اللى راحوا ها نجيبهم و شى وشك

* و ها نمرمغ وشوشهم جوه ترابك يابلدى

* و يوطوا يبوسوا رجلك

* فاماتزعليش يابلدنا و لا تنسى الابتسامة

* أدى الشعب اللى ياما قالوا عليه الجبان

* الشــعب كـــله صــــــاحى

* يــهتف جـــوه المـــيدان

* للشاعرة --امل درويش

* عضو اتحاد الكتاب -وشاعرة العامية المعروفه

نقلا عن جريدة / البداية