فى لسانه طعم الفرح .. تقدر تقول تخاطيف يجدل ضفاير القمر يقراه بدون تحريف يروح هناااااك عندهم يبكى على بابهم طالب رضا منهم واحد من احبابهم ذليل ونايبه العتب جالهم لحد العتب القلب صابه العطب وحتى صوته ضعيف ف لسانه طعم الفرح تقدر تقول تخاطيف يشوف حصاد الغنا كل الفرح والهنا فى ضحكة العيل يرسم على الحيطه طبله وترومبيطه والفرح والزيطه والنخل بيميل يرمى سباط الامل مع ضحكتين محتمل ينخ بيه الجمل فى الضل بيقيل يقعد ويتخيل روحه تطير كالطيف ف لسانه طعم الفرح تقدر تقول تخاطيف
جاسر
.......................
كسرتينى .....للشاعر جاسر نور الدين
الجمعة، مايو 02، 2014
من ديوان ... نص أحمر
......كسرتينى
بقيت ولا بيت ولا مأوى وكل مااحاول أستقوى تهدينى ... فأرجوكى كده بهدؤ وخفه وذوق تنسينى... سيبينى بعيد ومتغمى بأقولها واعيد لا انا حسيت بنيلك يجرى فى عروقى ولا ف دمى ولا اتدفيت فى حضن أمى وهمى كل يوم بيزيد هاقولك ايه واعيدلك ايه باكون شارى ... تبيعينى ادوق اكلك ...بتعيينى فضاع عمرى وراح املى على الفاضى برك جملى وضاع عملى وانا راضى بقول بكره هتتغير.... وافوق والحاله تتدير واقول عادى .. واخر السكه تنفينى كسرتينى.... ايامى... ماهيش بهجه واحلامى لقيتها خيال وكل مااحاول اتهجى واترجى الامل يرضى بلاقى ورايا الف خيال وبيت وعيال وشيله تقيله تحنينى هاقولك ايه واعيدلك ايه شربت المر والوحده وثانيه تعدى بالواحده لقيتك ع الضعيف جاحده وقاسيه عليه فارجوكى كده بهدؤ وخفه وذوق تنسينى
|
ليست هناك تعليقات:
إرسال تعليق