كل العيون المحرومين
المرغمين
على نزف بيعيش الأنين
بدقوا فى قلب النفس
ألفين حياه
متعشمه
تنهيدة من بين الرايات
تعشق علم
من نوع جديد
ألوانه عيد
أحمر صحيح
واسود معاه
لكن فريد
لما بيلمع
أبيض اليوم السعيد
من وسطهم
ف بيان
أمان جرح السنين
على عضمنا وعلى دمعنا
وع اللى فاضل مننا
ف ضوء المكان
شاهد ينور شمعته
رافض ينام
وميت طابور ف نار يدور
على كل من عاش معتقل
مسجون وسجان جوه منه
صرخته مابتملكوش
ولا هو قادر يمتلك
جلد الوحوش
مادين إيديهم
ع الحارات جوه البيوت
من عندهم
بنعيش مابين الجرح موت
وتفوء على لحظة حياه
بتعيش طلب على دمغته
مرسوم ملك
ويا كتابة مزيفه
تحلم وريث
قام الطوفان
فاير على ظلم الجبان
بركان حمم
حالف يعشى طلعته
تراب الرصيف
مليان شكاوى مظلمة
وحكايات عجب
متعلمة ف الذات سواد
ياه ع اللى فات
جوه انفلات الأزمنه
جوع وانصهار
عضم ونسيج الغلباين
شريان بيقطع لحمهم
راح دمهم
لكن يا دور
لازم ترجع حلمهم
زواد بيعشق
كل طلقات الرصاص
تاخد بتار
العمر دار مر فى مرار
ومن يرجع مرهم
ويحلى دار
الغش نار
تاكل حشاهم ف انهيار
كل العيون المحرومين
لابسين على توب الحداد
قفل الدموع
المنتظر للظالمين
لحظه تجمع حالمة
مفتاح بيفتح قفلهم
فيضان على بحر الدموع
بيلمهم
مشهد عجيب
جوه نزاع الروح
مافيش
يادوب سراب
على أرضنا
نسمع ف صرخة أمنا
ولادة جنين
بيعيش وطن
لا يعترف بالظلم
فى نزف الأنين
ليست هناك تعليقات:
إرسال تعليق