لمّا احبك ..
تبعدي زي السحاب
في وقت بحتاج المطر
لمّا اعمل ميت حساب
تطرحيني للخطر
وتجمعيني ع الظنون
وتقسميني ع القدر
المسألة .. اني معادلة مقلقة
وقلبك ضعيف ،مالوش ف جبر وهندسة
النتايج مش توقع واحتمال
وانا من سنين حسبة خيال
لمّا تتهندس تتوه ؛ من احداثات المنقلة
يتسع برجل خطاوي الإنتظار و القلقلة
والململة .
وانهزم بين التكامل و التفاضل
اللي فاضل مني شاعر
قلبه دايب كاليمام
ميهموش ناتج حسابك
طلعت اية ؟ وطلعت كام ؟
فارد جناحي للسما ..
ميهمنيش ارض المواجع والزحام
ميهمنيش برد المشاعر و الرخام
ميهمنيش هعيش لإمتي أو لكام
هو دة قلب اليمام ...
اللي نفسه تكون وصيته
يادوب يموت ... يموت
بس ف
س
ل
ا
م
ليست هناك تعليقات:
إرسال تعليق