ياأم التاريخ.. للشاعر / محمد حسني إبراهيم

يا ام التاريخ بتشَحتي!!!؟؟
وتمدي إيدك بالجراح وبتنحتي
ف عنينا أحلامك كلامك
وضلوع بتتحمل آلامـــك
وانتى واقفة بكل هيبتك تفحَتى
صورك على السكة اترمت
ومفيش مابينا غير دموع اتكومت
وسنين من الغربة الطويلة
يا العليلة فى زمان من غير أطبة يافرحتي
يا ام التاريخ بتشحتي!!!!؟؟
البيت معدش يونسك
عفاريته مش خايفة الضيا ويتهوسك
ياعود منبت بالخضار
وعيون بتكره ليك عَمار
دبت عطبها بين عيدان بتسوسك
وانتى زيتى وقمحتي
يا ام التاريخ بتشحَتى!!؟