.................................
اناديكي٠
الاقيكي بكل مافيكي قدامي
وماده ايديكي لايديا وواخداني
مابين شطين٠في نهر جميل
ونخل جريده متدهب بلون شمس الاصيل فيكي
واجيب من نيلك الميه واوضيكي
وافرشلك طمي الشطين نبات اخضر
تدوسي عليه برجليكي
الاقي وشك المليان بنور رب العباد ساجد
تصليله وتدعيله عشان في الكرب يحميكي
اناديكي
الاقي ايديكي ضماني
احس اني بقيت في امان
ونبض القلب من حواكي غطانى
بنهر حنان
ومن شريانك اللي عليه حرس من جان بترويني
ماانا منك٠وانابيكي
اناديكي
ألاقيكي بتهديني لقبله ربنا المعبود
اصلي واصوم وادعيلك٠
واغزلك خيوط فجرك واغنيلك
واكون حارس انافي ليلك٠واكون درويش
علي باب المقام واقف
انا الحارس وانا المجنون
وصوتي يهز كل الكون٠
وانا المفتون بالف واطوف حواليكي
اناديكي الاقي كل شي فيكي
عايزله ديوان
واقعد الملم الكلمات الاقيني٠
انا الحيران
ولو كلمه ماهيش من توبك اللولي
وم المرجان
يتوه سن القلم مني وابات حيران اناجيكي
والاقي رمشك المسحور في قلب القلب بيعلم
لسان الشعر جوايا بيتكلم
ويكتب فيكي ميت موال وغنوايه تليق بيكي
اناديكي
ليست هناك تعليقات:
إرسال تعليق