قصيدة" بديل الحب"
للشاعرة رشا الفوال ..الدقهلية
طحنت البن ف عروقى
وصبيتهوله جوه الحرف
شوق جامح
وجايه ف الضلوع فارده
وحاشده ف قلبى دقاته
وعايده ف روحى ترتيبها
وقايدة شموعى
يوم العيد
بعيد عنه _ _
لقيت الدنيا أعجوبه
فخاخ ياما / ومنصوبه
تجلجلى بتعويذه
ولاتواسى
أكتف فى القفص حالى
وإحساسى
بعُمر صموت
وكنت هاموت أنا ف بُعده بعفوية
ولسه / باموت
عديم الجدوى ليه قلبى ؟؟
وقبلى لذه حسيتها
نهود ياما / ومليتها
ومتململ كمان منى
وراجع تانى يندهنى
من الأول
وبيطول لُقا ف عينى
وأعصابى
وشاف الورده ف كتابى
ندانى خياله فى البدايات
متاهة ضى دخلنى
ماليها صراع
متاهة _ _
بس محبوكه كما الأضلاع
مِحن ياما /
وبوصلة وجد
فى إتجاهاته مجهوله
صحارى
بس مأهوله هوى وحكايات
بديل الحب إيه يعنى
سوى الأنات
ليست هناك تعليقات:
إرسال تعليق