.
أحبك ليه
وأنا الغريب فى احضانك
ومتهانه حروف روحى
أنا واخدة على خاطرى
وكاتمة فيا اوجاعى
لكن باصبر واقول يمكن
تعدى الدنيا بالساهل
وترضينى
الاقيكِ بتنسينى
ومش حاسه
بقسوة غربتى فيكِ
اناديكِ
ومش سامعه
ولا طالعه تواسينى
تبكينى اهات ليلى
فى ايامى ال وخدانى
لسكة كلها اوجاع
ولو مره نسيت وجعى
أحنلك واقول ارجع
الاقيكِ معندانى
الوم نفسى على سنينى
واحلامى اللى مزروعة على توبك
خلاص قلبى جفا قلبك
ولا عادش يفضفضلك
ولا يرجع يقول فيكِ
كلام العشق من تانى
أنا هابعد
مدام روحك نست روحى
وكرهانى
...........
شوقيه كامل
ليست هناك تعليقات:
إرسال تعليق