قصايد
للشاعر المصرى محمد حسنى ابراهيم
مشاهد من فيلم بجد
( 1 )
على خط الحدود
هتروح هناك ويلبسوك كاكى ( الزى الرسمى للجيش اللى
عبر فى 6 أكتوبر )
وتستلم سلاح من غير ذخيرة
وتقف فارد صدرك باصص لفوق
أنت دلوقتى فرد مهم فى ( ...... )
حط بنفسك اى جملة تعجبك
وحاول تعيش الحلم
حد
اتنين
ع الخط التانى نفس العرض السينمائى
واحد لابس أغمق سنة فارد صدره
وف إيدة سلاح بذخيرة
وعارف أنه فرد مهم على الأطلاق
بمناسبة الأطلاق
تنطلق منه الرصاصه تموتك
وكأنك حمامه أو غراب
وأول ما كتبنا كلمة أطلاق ...... أفتكر
عاش مع نفسة شوية رجع لأصله
أتغابي عليك وقتلنا
( 2 )
عشان تعيش
تاخد نفس يدخل معاه كل اللى بره ويحتويك
وبيتملى صدرك بالوطن
مش مهم عفار الطريق ولا حتى ريحة الموت
المهم أنك تعيش
تاخد نفس وتشم ريحتك ف الشياط
( 3 )
ارفع صوتك وبعز ما فيك أبتدى
تحيا .......
المواطنة بتاع زمان
وتعيش علينا رغم موتها ونحترمها من سكات
أهتف بصوت عالى
وهل يخفى القمر ....... ؟
بس الأمر الصوت بيطلع عكس صوتك أو
بيدبلج على الصورة أنتصارهم ----- مش عليك
( 4 )
الموت على رقاب البشر رهوان
يزهق فيرتاح ع الجثث
ليست هناك تعليقات:
إرسال تعليق