كانت ..
بتبيع الحلم ال متكركب
فوق رف الروح
وتنفض
فى صفايح
احلام محروقه
وشروخ ..
بتسلم لشروخ
غربال العمر ال متعلق
فى جدار الوجع الصباحى
مسمار
كان ناقص فى تابوت البرواز
مع ان البرواز /
لا فى ظهره صوره
ولا وشه قزاز
لاهو عايش
ولا لاقى
مسمار /
يتعلق فيه الموت ..
عكاز
بتلملم ..
فى حاجات /
سابهالها الزمن الميت
وبتغزل ..
من كفنه الدايب /
توصيله
لضفيرة البنت اللى ماجابتهاش /
ولاده
وتكمل ..
جلابية الواد ال ساكن /
ظهر ابوه
.. .. كانت
بتبيع الحلم ال متكركب
فوق رف الروح
ليست هناك تعليقات:
إرسال تعليق